Үмүт кылсаң сен бирөөнүн байлыгын, Үйүлгөнү жүрөгүңө кайгы- муң.

🌺Үмүт кылсаң сен бирөөнүн байлыгын,
Үйүлгөнү жүрөгүңө кайгы- муң.

🌺Сурап алып минген атың кооптуу,
Жөө басканың пайдалуу да сооптуу.

🌺Чык- чык эткен саат үнү береги,
Чык эртерээк бул дүйнөдөн дегени.

🌺Бейишке үй салам десең асылым,
Бир жетимди сылап койгун акырын.

🌺Өскөн чөптүн бар тγрγ эле гүл эмес,
Өпкөн көздүн ар бири эле сүйүү эмес.

🌺Бир да китеп окубаган, эмнедей,
Бетин жуубай өтүп кеткен пендедей.

🌺Жашоо жармын уйку төшөк жүгөндөйт,
Жалкоо жандын күндө эртеңи түгөнбөйт.

🌺Иште, оку чарчабастан жашыңда,
Ийгиликтин сабыр турат башында.

🌺Түрүүлүгүң татыбастыр күкүмгө,
Түгөнбөсө жай намаздын үстүндө.

🌺Башың бийик болгон менен атактуу,
Барган сайын арты улам азаптуу.

🌺Кызык күндө келген мейман мактаган,
Кыйын күндө жанга айланат таппаган.

🌺Элге арналып турган менен бүт демим,
Эгер Кудай жактырбаса бүткөнүм.

🌺Кээ бир көңүл салган өңдүү кейишке,
Кээ бир көңүл алып кирет бейишке.

🌺Заалымдарды заккум дарак тойгузат,
Зарлайт алар: "аттиң болбой топурак"

🌺Бул тикенди басып турган тамандар,
Булбул конгон бакчаларда кадамдар.

🌺Улуу жолдо өттү нечен кеменгер,
Улуу адамда улут болбойт дегендер.

🌺Бороон- чапкын сереп салып өткөнгө,
Боорум ооруйт жаш төкпөгөн көздөргө.

Жеңишбек ЖУМАКАДЫР.

admin