Акылгөй жооптор

Кошкон: 21:53:00 0 коммент.
Кандай иш-аракеттер мусулманга ылайыктуу жана зарыл?
Жаштыкта ибадатты үйрөнүп, илим алуу, улгайган чакта үзгүлтүксүз ибадат менен
шугулданып келечек муунга үлгү болуу. 
Кандай сөз адамдын баркын түшүрөт?
Баарлашуу учурунда өзүнүн артыкчылыгын айтып мактануу. 
Жигиттиктин белгиси эмнеде?
Өч алууга күчү, мүмкүнчүлүгү жетип турганына карабастан, айкөлдүк кылып экинчи
тарапты кечирип жиберүүдө. 
Адамдын кайсы кемчилиги өтө зыяндуу?
Өзү байкай албай жүргөн айыбы. 
Бир жерде эгилген соң эки башка жерден түшүм берген ал кайсы үрөөн?
Кеменгер инсандарга жакшылык кылуу. Анткени даанышмандар берилген жардамдын
акыбетин бул дүйнөдө кайтарса, Алла Таала акыретте албан үзүр-сооп ыроолойт. 
Кандай нерселер адамды адамгерчиликтен четтетет?
Төрт нерсе: Улуулардагы зыкымдык, аалымдардагы текеберлик, аялдардагы уятсыздык,
эркектердеги жалганчылык. 
Дүнүйө-мүлктү эмне үчүн көбөйтүү керек?
Өзүбүз жашаган коомдогу адамдардын акысын кайтаруу, ата-эне, бала-бакыраны багуу,
акыретке азык даярдоо, душманды дос кылып, кембагалды байытуу, дегеле баарына
жардам берүү үчүн көбөйтүү керек. 
Дабаагерге зарыгып калбоо үчүн эмне кылышыбыз керек?
Чеги менен тамактанып, аз уктап, аз сүйлөп жана чөйрөлөштөрүбүз менен ынтымакта
болушубуз керек. 
Пастык эмнеден туулат?
Башкалардын мүлкүнө сугун арткандан туулат. 
Адам канткенде элдин сүймөнчүлүгүнө ээ боло алат?
Эки жол менен: Өз ара мамилелерди так жүргүзүп, мээнет кылган адамдын акысын
ашыгы менен бергенде жана эч кимге ачуу сөз айтпаганда. 
Дүйнөдөгү эң жакшы нерсе эмне?
Акыретте үзүрүн көрөм деген максатта жалпы журтка милдеттүү түрдө сылык болуу жана
бул дүйнөдө башкалардан эч нерсе күтпөстөн берешен болуу. 
Жакшы адамдын белгиси эмнеде?
Жакшы адамдын белгиси – бирөөнүн айыбын элдин алдында ачпайт, көрмөксөнгө салат,
өткөнгө өкүнүп жүрөгүн оорутуп, башын муштабайт. 
Эмнени элестетүү мүмкүн эмес?
Акылдуу адамдын аалымдар менен кеңешпей туруп өз алдынча болушун, миң күчтүү
болгон күндө да согушкердин ыкмага, айла-амалга таянбашын, захид адамдын
такыбаалыкты этибарга албай, ибадатсыз жүрүшүн элестетүү мүмкүн эмес. 
Желбегени менен денеге пайда берген нерсе барбы?

Пахтадан же жүн кездемеден тигилген жумшак ак кийим, жагымдуу атыр, агып жаткан
сууну жана жаздагы жашылга чулганган кооздукту көпкө кароо, молчулукта
болсун, жокчулукта болсун достордон кол үзбөө, бак өстүрүү, жылуу суу менен
жуунуу, ичимдиктен оолак болуу, уктаардан алдын ысык нерсе ичкенден кийин дароо
анын үстүнөн муздан нерсе ичпөө. 

ADILET SYDYKOV

Блоггер, Журналист, Веб-дизайнер

Сыдыков Адилет Акматжанович 1994-жылы Ош облусунун Ноокат районундагы Атамерек айлында туулган. .

0 коммент.:

Отправить комментарий